Cymraeg English

Egwyddorion diogelu

Adref 1

Mae ymarfer effeithiol, yn unol â deddfwriaeth a chanllawiau, yn fwyaf tebygol o ddigwydd os oes cysondeb rhwng yr egwyddorion sy'n sail i ddeddfwriaeth, canllawiau a'r rhai a hyrwyddir yn y gweithdrefnau.

Mae diogelu effeithiol angen:

i bob ymarferydd a sefydliad chwarae eu rhan a chyfrannu at ddiogelu a hyrwyddo llesiant yr oedolyn sy’n wynebu risg;
rhannu gwybodaeth yn unol â Crynodeb o’r hyn y dylid ei ystyried wrth rannu gwybodaeth er mwyn diogelu pobl.);
gweithio o fewn disgyblaeth ac amlddisgyblaeth er mwyn deall yr unigolyn a'i amgylchiadau a'i anghenion am ofal, cefnogaeth a diogelwch yn well;
cysylltiadau gwaith cyd-gynhyrchiol gyda'r oedolion sy’n wynebu risg, eu teuluoedd a'u gofalwyr i sefydlu beth sy'n bwysig iddynt, ac i sicrhau eu bod yn teimlo eu bod yn cael eu parchu ac yn derbyn gwybodaeth.

Yn fwy penodol, dylai bob person sydd mewn cysylltiad ag oedolion sy’n wynebu risg o gamdriniaeth ac esgeulustod, eu gofalwyr a'u teuluoedd; neu gydag oedolion a allai beri risg diogelu; neu sy'n gyfrifol am drefnu gwasanaethau i blant ac/neu oedolion:

ddeall eu rôl a'u cyfrifoldebau i ddiogelu a hyrwyddo lles oedolion sy’n wynebu risg o gamdriniaeth ac esgeulustod;
bod yn gyfarwydd â gweithdrefnau a phrotocolau eu sefydliad ar gyfer diogelu a’u dilyn, a gwybod gyda phwy i gysylltu yn eu sefydliad i drafod pryderon am oedolyn sy’n wynebu risg o gamdriniaeth ac esgeulustod a’u dyletswydd i hysbysu;
bod yn effro i ddangosyddion o gamdriniaeth ac esgeulustod;
cael mynediad at Weithdrefnau Diogelu Cymru a chydymffurfio â hwy;
deall yr egwyddorion a'r ymarfer a gynhwysir yn Cyf. 6 Ymdrin ag Achosion Unigol;
bod wedi derbyn hyfforddiant i lefel sy'n gymesur â'u rôl a'u cyfrifoldebau;
gwybod pryd a sut i adrodd am unrhyw bryderon ynghylch camdriniaeth ac esgeulustod i’r gwasanaethau cymdeithasol neu’r heddlu;
gwybod fod gan weithiwr asiantaeth ddyletswydd i hysbysu os yw unigolyn, aelod o'r teulu neu aelod o'r cyhoedd yn mynegi pryderon iddynt ynghylch diogelwch plentyn neu oedolyn. Ni ddylid fyth ofyn iddynt wneud hunangyfeiriad at y gwasanaethau cymdeithasol neu'r heddlu;
bod yn effro ac yn ymwybodol o'r risgiau y gallai camdrinwyr unigol, neu gamdrinwyr posibl, eu peri i oedolion sy’n wynebu risg o gamdriniaeth ac esgeulustod;
cydnabod pan fydd rhoddwr gofal wedi peryglu capasiti gofalu, hynny yw, problemau a allai effeithio ar eu capasiti i ddarparu gofal effeithiol a phriodol, neu a allai olygu eu bod yn peri risg o niwed;
bod yn ymwybodol o effeithiau camdriniaeth ac esgeulustod ar oedolion sy’n wynebu risg;
deall y broses ddiogelu;
rhannu a helpu i ddadansoddi gwybodaeth fel y gellir gwneud asesiad gwybodus o anghenion ac amgylchiadau'r unigolyn;
cyfrannu yn ôl yr angen i ddarparu help neu wasanaeth penodol i'r oedolyn sy’n wynebu risg neu aelod o'u teulu fel rhan o gynllun y cytunwyd arno a chyfrannu at y cynnydd adolygu yn erbyn canlyniadau sy'n canolbwyntio ar yr unigolyn;
cyfrannu yn ôl yr angen at bob cam o'r broses ddiogelu;
cyfrannu at adolygu canlyniadau yn rheolaidd yn erbyn amcanion penodol a rennir;
gweithio'n gydweithredol gyda'r oedolyn sy’n wynebu risg, gofalwyr a theuluoedd, oni bai bod hyn yn anghyson â'r angen i sicrhau diogelwch yr unigolyn;
ymrwymo i gydweithredu'n llawn â'r holl asiantaethau eraill er budd diogelu oedolion sy’n wynebu risg o gamdriniaeth ac esgeulustod.